Xiaomi కి చెందిన సబ్-బ్రాండ్ Redmi Note 17 సిరీస్ను త్వరలో గ్లోబల్ మార్కెట్లలో విడుదల చేయనున్నట్లు సోమవారం ప్రకటించింది. ఈ సిరీస్లోని ఫోన్లు తొలుత జూలైలో చైనా మార్కెట్లోకి వచ్చాయి.
ఇదే సమయంలో రెడ్మీ నోట్ 17 ను గ్లోబల్ మార్కెట్లలో 5G, 4G వేరియంట్లలో కూడా కంపెనీ పరిచయం చేసింది.
గ్లోబల్ మార్కెట్లో రెడ్మీ నోట్ 17, రెడ్మీ నోట్ 17 ప్రో, కొత్తగా రెడ్మీ నోట్ 17 ప్రో మ్యాక్స్ అనే మూడు మోడళ్లు వచ్చే అవకాశం ఉంది.
ముఖ్యంగా కొత్త రెడ్మీ నోట్ 17 ప్రో మ్యాక్స్ కు సంబంధించిన కొన్ని కీలక స్పెసిఫికేషన్లను కూడా కంపెనీ తాజాగా వెల్లడించింది.
రెడ్మీ నోట్ 17 సిరీస్ లాంచ్ తేదీ
షావోమీ తన X పోస్ట్ ద్వారా రెడ్మీ నోట్ 17 సిరీస్ ను ఆగస్టు 27న గ్లోబల్ మార్కెట్లో లాంచ్ చేయనున్నట్లు ప్రకటించింది.
షావోమీ గ్లోబల్ వెబ్సైట్లో ఏర్పాటు చేసిన కొత్త మైక్రోసైట్ ద్వారా రెడ్మీ నోట్ 17 ప్రో మ్యాక్స్ పేరుతో మరో కొత్త మోడల్ రానున్నట్లు కూడా వెల్లడైంది.
డిజైన్ పరంగా ఈ సిరీస్లో ఫోటోక్రోమిక్ టెక్నాలజీను అందించనున్నారు. రెడ్మీ తెలిపిన వివరాల ప్రకారం, కొత్త Cloud Blush ఎలిమెంట్ సూర్యకాంతికి స్పందిస్తూ తన రూపాన్ని మార్చుకునేలా పనిచేస్తుంది.
రెడ్మీ నోట్ 17 సిరీస్ ఫీచర్లు, స్పెసిఫికేషన్స్
రాబోయే రెడ్మీ నోట్ 17 సిరీస్లో 6.83 అంగుళాల CrystalRes AMOLED డిస్ప్లేను అందించనున్నట్లు కంపెనీ వెల్లడించింది. ఈ స్క్రీన్ 1.5K రిజల్యూషన్తో వస్తుంది.
పర్ఫార్మెన్స్ కోసం Snapdragon 6 Gen 5 చిప్సెట్ను ఉపయోగించనున్నారు. దీనికి గరిష్ఠంగా 24GB RAM వరకు సపోర్ట్ ఉంటుంది.
ఇందులో వర్చువల్ RAM ఎక్స్పాన్షన్ కూడా భాగంగా ఉంటుంది. ఫోన్ దీర్ఘకాలం స్మూత్గా పనిచేసేలా 72 నెలల వరకు ఫ్లూయెన్సీ ప్రొటెక్షన్ను అందిస్తామని రెడ్మీ చెబుతోంది.
డస్ట్, వాటర్ రెసిస్టెన్స్ పరంగా కూడా ఈ సిరీస్కు మంచి రక్షణను అందించారు. IP66, IP68, IP69, IP69K రేటింగ్స్ను కలిగి ఉంటుంది.
ఈ ఫోన్లకు SGS, TÜV SÜD సంస్థల నుంచి సర్టిఫికేషన్లు లభించినట్లు షావోమీ సబ్-బ్రాండ్ తెలిపింది.
కెమెరా స్పెసిఫికేషన్లను కంపెనీ ఇంకా పూర్తిగా వెల్లడించలేదు. అయితే AI ఆధారిత పోర్ట్రెయిట్ ఎన్హాన్స్మెంట్ ఫీచర్ Redmi Note 17 సిరీస్లో ఉంటుందని నిర్ధారించింది.
రెడ్మీ షేర్ చేసిన కెమెరా శాంపిల్లో f/1.5 అపెర్చర్, 26mm ఫోకల్ లెంగ్త్, 1/60 సెకన్ల షట్టర్ స్పీడ్, ISO 125 వంటి వివరాలు కనిపించాయి.
రెడ్మీ నోట్ 17 ప్రో మ్యాక్స్ బ్యాటరీ, ఇతర ఆఫర్లు
రెడ్మీ నోట్ 17 సిరీస్లో అతిపెద్ద ఆకర్షణ బ్యాటరీ కెపాసిటీ. ఇందులో 10,000mAh బ్యాటరీను అందించనున్నారు.
అయితే కంపెనీ తెలిపిన వివరాల ప్రకారం ఈ భారీ బ్యాటరీ రెడ్మీ నోట్ 17 ప్రో మ్యాక్స్ మోడల్కు మాత్రమే వర్తిస్తుంది. ఈ ఫోన్ 100W ఫాస్ట్ ఛార్జింగ్కు సపోర్ట్ చేస్తుంది.
అయితే బాక్స్లో పవర్ అడాప్టర్ను అందించబోమని షావోమీ స్పష్టం చేసింది.
రెడ్మీ నోట్ 17 సిరీస్ ఫోన్లను కొనుగోలు చేసే కస్టమర్లకు అదనపు ప్రయోజనాలు కూడా లభించనున్నాయి.
వీటిలో 2 నెలల YouTube Premium, 3 నెలల Spotify Premium, 6 నెలల Google One ప్లాన్ ఉన్నాయి.
అలాగే 24 నెలల్లో ఒకసారి ఉచిత స్క్రీన్ రీప్లేస్మెంట్, 36 నెలల్లో ఒకసారి ఉచిత బ్యాటరీ సర్వీస్ను ఎలాంటి అదనపు ఖర్చు లేకుండా అందించనున్నారు.
గతంలో వచ్చిన నివేదికల ప్రకారం, రెడ్మీ నోట్ 17 సిరీస్ భారత్లో సెప్టెంబర్ 18 లేదా సెప్టెంబర్ 20న లాంచ్ అయ్యే అవకాశం ఉంది. అయితే ఈ తేదీలను Xiaomi ఇంకా అధికారికంగా ధృవీకరించలేదు.
ఇక లీక్ల ప్రకారం రెడ్మీ నోట్ 17 ప్రో మ్యాక్స్ లో 50MP మెయిన్ రియర్ కెమెరా (f/1.8), 8MP అల్ట్రా-వైడ్ కెమెరా, సెల్ఫీలు, వీడియో కాల్స్ కోసం 32MP ఫ్రంట్ కెమెరా ఉండే అవకాశం ఉంది.
గతంలో వచ్చిన సమాచారం ప్రకారం ఈ ఫోన్లో 9,210mAh బ్యాటరీ ఉంటుందని చెప్పగా, తాజాగా వెల్లడైన వివరాల్లో బ్యాటరీ సామర్థ్యం 10,000mAhగా పేర్కొన్నారు.
గ్లోబల్ లాంచ్ తేదీ ఇప్పటికే ఖరారైన నేపథ్యంలో, రెడ్మీ నోట్ 17 సిరీస్ విడుదల-కు ముందు రోజుల్లో ఈ ఫోన్లకు సంబంధించిన మరిన్ని వివరాలను Xiaomi వెల్లడించే అవకాశం ఉంది.
